Cronfa Ddŵr Ponsticill

Mae’r ochr 110 troedfedd o uchder yn dal yn ôl 15,400 megalitr o ddŵr.

Mae’r gronfa ddŵr yn boblogaidd â morwyr https://www.mtsc.org.uk/index.html, pysgotwyr https://www.mtaa.co.uk/ a phobl sydd am fwynhau picnic.

Tir Claddu Taf Fechan – Capel Bethlehem

Agorodd Capel Annibynnol Bethlehem, sydd bellach wedi ei foddi gan Gronfa Pontsticill ei drysau ar Chwefror y 4 1829. Y gweinidog cyntaf oedd  William David, cyn pregethwr lleyg ar Gapel  Ynysgau. Am 90 mlynedd bu’r gynulleidfa fechan ond llewyrchus hon yn cwrdd, ond erbyn 1913 gyda’r bwriad i adeiladu'r gronfa ym Mhontsticill, symudwyd y cwrdd i ganol pentref Pontsticill. Cynhaliwyd gwasanaeth cloi yn yr hen Gape lar Fedi’r 14  1925 ac agorwyd y capel newydd.

Erbyn 1968, gyda’r gynulleidfa yn gostwng gwerthwyd y capel at ddefnydd preifat.

Mae adfeilion enigmatig yr hen gapel yn codi o dro i dro wrth i lefel y dŵr ostwng ar adegau o sychder.

Symudwyd y rhan fwyaf o’r claddedigaethau  i dir claddu newydd wedi ei ddarparu gan Fwrdd Dŵr Taf Fechan ym Mhontsticill, Faenor yn 1926.

Cynllun Pasbort Cronfa Ddŵr

Mynediad i gronfeydd dŵr dethol Parc Cenedlaethol Bannau Brycheiniog.

Mae SWOAPG, gan weithio'n agos gyda APCBB a DCWW, wedi datblygu cynllun sy'n caniatáu mynediad i bedair cronfa ddŵr yn y parc cenedlaethol (Pontsticill, Pentwyn, Y Bannau a’r Wysg) ar gyfer Darparwyr sy'n darparu Canŵio, Caiacio a SUP i Grwpiau.

Mae'r cynllun pasbort yn caniatáu mynediad i Ddarparwyr (a Chlybiau) os ydynt yn cofrestru ac yn prynu pasbort. Mae'r cynllun yn cael ei weinyddu gan APCBB ar gyfer DCWW, mae tâl yn daladwy i dalu cost gweinyddu.

Mae'r trefniant mynediad hwn yn disodli unrhyw gytundebau mynediad blaenorol yn y safleoedd hyn a allai fod wedi'u gwneud gyda Darparwyr Gweithgareddau Awyr Agored.Mae pasbortau'n rhedeg rhwng 1 Ebrill a 31 Mawrth

Dim ond £150  y flwyddyn yw cost Pasbort blynyddol fesul sefydliad, neu £190 am 2 basbort a roddir i un sefydliad (nid yw'r rhain yn drosglwyddadwy rhwng canolfannau).

Mae opsiwn hefyd i brynu pasbortau 7 diwrnod y gellir eu prynu am £70. Rhaid i chi gofrestru ar gyfer y cynllun ac yna rhoi gwybod i'r BBNPA bob tro y byddwch yn bwriadu defnyddio'r safleoedd fel y gellir gweinyddu'r cyfanswm o ddiwrnodau a ddefnyddir yn gywir.

Sut i wneud cais – gellir dod o hyd i fanylion llawn ar-lein neu yn y Pecynnau Pasbort, sydd ar gael gan Awdurdod Parc Cenedlaethol Bannau Brycheiniog (Pasbort y Cronfeydd Dŵr), Plas y Ffynnon, Ffordd Cambrian, Aberhonddu, Powys, LD3 7HP.