Dolygaer

Wedi’i leoli yn ne Bannau Brycheiniog, mae’r dirwedd fynyddig wych yn amgylchynu Cronfeydd Dŵr Pen-twyn (Dol-y-gaer) a Thaf Fechan (Pontsticill).

Mae’n lleoliad sydd yn llawn hanes ac mae’r gaer o’r Oes Haearn a’r twmpath o’r Oes Efydd ymhlith rhai o’r lleoliadau sydd i’w gweld o hyd.

Roedd yma orsaf reilffordd ar un adeg (1863 – 1964) yn gwasanaethu pentrefan Dol-y-gaer sydd yn awr yn rhan o Ganolfan Sgowtiaid Plas Dolygaer ac yn Safle Gwersylla, y drws nesaf i Ganolfan Weithgareddau Parkwood Dolyager a Thaith Taf. (Llwybr seiclo NCN 8).

Heddiw, mae mwynhau’r golygfeydd gwych a llonyddwch y dŵr yn ei gwneud hi’n anodd dychmygu’r llun a ddarlunnir yn yr erthygl hon yn y Cardiff Times ar 3 Gorffennaf 1869. (Diolch i https://www.merthyr-history.com)

Dydd Iau, yr wythnos diwethaf, daeth Clwb Hwylio Regatta Merthyr Tudful i Lyn Dolygaer. Roedd y tywydd yn ffafriol; yn olau, cynnes a gwnaethpwyd trefniadau cyfleus ar gyfer gwasanaethau trenau Rheilffordd Aberhonddu a Merthyr. Roedd torf eang o bobl gerllaw’r llyn, yn gynnar yn y dydd. Roedd trenau hefyd yn gwasanaethu o Aberhonddu, Caerdydd a Chasnewydd a chyfrifwyd fod bron i 8000 o bobl yn bresennol.

Dol y gaer – dôl/cae gerllaw afon. Mae ‘caer’ yn cyfeirio at gastell.

Cynllun Pasbort Cronfa Ddŵr

Mynediad i gronfeydd dŵr dethol Parc Cenedlaethol Bannau Brycheiniog.

Mae SWOAPG, gan weithio'n agos gyda APCBB a DCWW, wedi datblygu cynllun sy'n caniatáu mynediad i bedair cronfa ddŵr yn y parc cenedlaethol (Pontsticill, Pentwyn, Y Bannau a’r Wysg) ar gyfer Darparwyr sy'n darparu Canŵio, Caiacio a SUP i Grwpiau.

Mae'r cynllun pasbort yn caniatáu mynediad i Ddarparwyr (a Chlybiau) os ydynt yn cofrestru ac yn prynu pasbort. Mae'r cynllun yn cael ei weinyddu gan APCBB ar gyfer DCWW, mae tâl yn daladwy i dalu cost gweinyddu.

Mae'r trefniant mynediad hwn yn disodli unrhyw gytundebau mynediad blaenorol yn y safleoedd hyn a allai fod wedi'u gwneud gyda Darparwyr Gweithgareddau Awyr Agored.Mae pasbortau'n rhedeg rhwng 1 Ebrill a 31 Mawrth.

Dim ond £150 y flwyddyn yw cost Pasbort blynyddol fesul sefydliad, neu £190 am 2 basbort a roddir i un sefydliad (nid yw'r rhain yn drosglwyddadwy rhwng canolfannau).

Mae opsiwn hefyd i brynu pasbortau 7 diwrnod y gellir eu prynu am £70. Rhaid i chi gofrestru ar gyfer y cynllun ac yna rhoi gwybod i'r BBNPA bob tro y byddwch yn bwriadu defnyddio'r safleoedd fel y gellir gweinyddu'r cyfanswm o ddiwrnodau a ddefnyddir yn gywir.

Sut i wneud cais – gellir dod o hyd i fanylion llawn ar-lein neu yn y Pecynnau Pasbort, sydd ar gael gan Awdurdod Parc Cenedlaethol Bannau Brycheiniog (Pasbort y Cronfeydd Dŵr), Plas y Ffynnon, Ffordd Cambrian, Aberhonddu, Powys, LD3 7HP.